“ ວ່ອງໄວ ກ້າວໄກ ໄປຄຽງຄູ່ທ່ານ
SWIFT COMPLETE ACCESSIBLE”

ໃນຕອນບ່າຍຂອງ ວັນພຸດ ວັນທີ 25 ທັນວາ 2024, ໄດ້ມີການຈັດພິທີລົງນາມເຊັນສັນຍາ ຮ່ວມມື ລະຫວ່າງ ທະນາຄານ ສົ່ງເສີມກະສິກໍາ ຈໍາກັດ (APB) ແລະ ບໍລິສັດ ເອັສທີ-ເມືອງໄທ ປະກັນໄພ ຈຳກັດ (ST-MTI) ຢູ່ທີ່ ໂຮງແຮມ ເອສທີ ໃຫ້ກຽດເຂົ້າຮ່ວມເປັນສັກຂີພະຍານໂດຍ ທ່ານ ຊານໄຊ ພົມສຸວັນ (ຜູ້ອໍານວຍການ ບໍລິສັດ ເອັສທີ-ເມືອງໄທ ປະກັນໄພ ຈຳກັດ), ທ່ານ ດາວິດ ສັງວອນຣາດຊະສັບ (ຮອງອໍານວຍການ ອາວຸໂສ ບໍລິສັດ ເອັສທີ-ເມືອງໄທ ປະກັນໄພ ຈຳກັດ), ຄະນະອໍານວຍການຂອງ ທະນາຄານ ສົ່ງເສີມກະສິກຳ ຈຳກັດ (APB), ຫົວໜ້າພະແນກ, ພະນັກງານທີ່ກ່ຽວຂ້ອງທັງສອງຝ່າຍ, ແຂກຜູ້ມີກຽດ ແລະ ສື່ມວນຊົນທຸກທ່ານ ທີ່ເຂົ້າຮ່ວມງານໃນຄັ້ງນີ້ຢ່າງພ້ອມພຽງ. ໃຫ້ກຽດຕາງໜ້າລົງນາມໃນສັນຍາການຮ່ວມມືໃນຄັ້ງນີ້ໂດຍ ທ່ານ ພິລາວັນ ສໍພາບມີໄຊ ຜູ້ອໍານວຍການ ທະນາຄານ ສົ່ງເສີມກະສິກໍາ ຈໍາກັດ (APB) ແລະ ທ່ານ ໄຊຊະນະ ພູນສະຫວັນ ຮອງຜູ້ອໍານວຍການ ອາວຸໂສ ບໍລິສັດ ເອັສທີ-ເມືອງໄທ ປະກັນໄພ ຈຳກັດ (ST-MTI). ຈຸດປະສົງໃນການເຊັນສັນຍາໃນຄັ້ງນີ້ແມ່ນເພື່ອ ຕອບສະໜອງຕາມຄວາມຮຽກຮ້ອງຕ້ອງການຂອງລູກຄ້າຜູ້ທີ່ ຕ້ອງການຊື້ຜະລິດຕະພັນປະກັນໄພ-ປະກັນຊີວິດ ຂອງ ເອັສທີ-ເມືອງໄທ ຜ່ານຊ່ອງທາງ (APB) ໃນນາມທີ່ເປັນທະນາຄານທີ່ມີສາຂາ ແລະ ໜ່ວຍບໍລິການຄວບຄຸມທົ່ວປະເທດ.